Улсын тусгай хамгаалалттай газар нутаг өргөжин тэлж байгааг харгалзан хамгаалж буй обьектод нь ойртуулах, байршлыг оновчтой болгох, удирдлагын менежментийг сайжруулах зорилгоор Байгаль орчин, аялал жуулчлалын сайдын 2011 оны 11 дүгээр сарын 29-ний өдрийн А-416 тоот тушаалаар Хан Хөхийн нурууны улсын тусгай хамгаалалттай газар нутгийн хамгаалалтын захиргааг Увс аймгийн Өндөрхангай суманд байгуулах шийдвэр гарсан.  Алтан элсний (ДЦГ) дархан цаазат газар 150244 га, Хан Хөхийн нурууны (БЦГ) байгалийн цогцолборт газар 221598 га, Хяргас нуурын (БЦГ) 341302 га байгалийн цогцолборт газруудыг Увс нуурын ай савын УТХГН-ийн Хамгаалалтын захиргаанаас салгаж, Хан Хөхийн нурууны улсын тусгай хамгаалалттай газар нутгийн Хамгаалалтын захиргаанд харъяалуулсан. Дээрх тусгай хамгаалалттай газрууд нь тус аймгийн зүүн болон өмнөд хэсгийг хамарсан байгалийн 3 өөр хэв шинжийг агуулсан аймгийн нутаг дэвсгэрийн 10.4 хувийг эзэлдэг.

Хамгаалалтын захиргааны дарга Б.Буянцог, Архив, бичиг хэрэг, дотоод ажил, менежментийн төлөвлөгөө, төсөл, хөтөлбөр хариуцсан ажилтан М.Гэрэлчимэг, Байгалийн нөөцийн асуудал хариуцсан мэргэжилтэн Ж.Басбаяр , Судалгаа шинжилгээ, мониторинг, мэдээллийн сан хариуцсан мэргэжилтэн Ч.Баатар, Хуулийн хэрэгжилт, хяналт шалгалт хариуцсан мэргэжилтэн Б.Цэлмэгдалай, Сургалт, сурталчилгаа, аялал жуулчлалын асуудал хариуцсан мэргэжилтэн Б.Нямсүрэн, Алтан Элсний ДЦГ-ын “Довцог элс” хэсгийн байгаль хамгаалагч Ю.Далантай, “Нисэхийн булан” хэсгийн байгаль хамгаалагч Б.Батболд,   Хан Хөхийн нурууны БЦГ-ын “Алтан дуулга” хэсгийн байгаль хамгаалагч Р.Батгэрэл , “Улаан Энгэр” хэсгийн байгаль хамгаалагч Ч.Анхбаяр, “Алтан бургас” хэсгийн байгаль хамгаалагч П.Алтангэрэл, “Согоо нуур” хэсгийн байгаль хамгаалагч Ц.Жаргалсайхан, “Цагаанхайрхан” хэсгийн байгаль хамгаалагч Ц.Хишигбаяр, Хяргас нуурын БЦГ-ын “Айраг нуур” хэсгийн байгаль хамгаалагч Л.Дорж, “Хар тэрмэс” хэсгийн байгаль хамгаалагч Г.Ням-Очир, “Хэцүү хад” хэсгийн байгаль хамгаалагч Ч.Батсүх , жолооч Ч.Гансүх , үйлчлэгч Д.Отгоням, галч, сахиул В.Бат-Эрдэнэ,  нарын 22 хүний бүтэц, орон тоотойгоор ажиллаж байна.