Хяргас нуурын БЦГ-  ын Хар тэрмэс орчимд байгаль хамгаалах

арга хэмжээ явуулсан  ажлын  тайлан

2016.06.12                                                                                                               Цэцэрлэг

Тайлангийн агуулга:

1. Хяргас нуурын БЦГ-ын Хар тэрмэс орчимд машины зогсоол байгуулах.
2. Хяргас нуурын БЦГ-ын Могойн шугам руу явдаг машины замыг хаах.
3. Байгаль хамгаалагчийн байрны дэргэд нийтэд зориулсан бие засах газар байгуулах.
4. Хяргас нуурын БЦГ-ын Цагаан явар орчмын замд хаалт хийх, мэдээллийн самбарыг шинэчлэн байрлуулах.    
5. Хяргас нуурын БЦГ-ын зарим газарт хилийн тэмдэгжүүлэлт хийх.  

Нэг. Байгууллагын жилийн ажлын төлөвлөгөөний 1.8.1, 1.8.2, 1.8.3, 1.8.4-д тусгасан ажлуудыг байгууллагын 6 дугаар сарын ажлын төлөвлөгөөнд оруулж, бэлтгэл ажлуудыг урьдчилан хангаж ажиллаа.

Хяргас нуурын БЦГ-ын Хар тэрмэс орчимд дараах бүрэлдэхүүнтэй ажиллаа.

Гүйцэтгэгч: Дарга Б.Буянцог, мэргэжилтэн М.Ууганбаатар, байгаль хамгаалагч Г.Ням-Очир,  жолооч Э.Бямбацог, сахиул- мужаан В.Бат-Эрдэнэ, сахиул- ойжуулагч М.Дашпэлжээ, Ч.Ган сүх нар.

Хамтран гүйцэтгэгч: Хар тэрмэс жуулчны баазын менежер Л.Энхбаяр, Арвижих-Увс ХХК-ны захиарл Х.Сүхбаатар, менежер С.Бат-Эрдэнэ, н.Бат-Өлзий, Шорвог нуур ХХК-ны захирал Б,Отгой, иргэн Б.Бат-өлзий нар.

Байгалийн нөөцийн хамгаалалтыг хангах байгууллагын стратегийн зорилтыг хэрэгжүүлэх талаар жилийн ажлын төлөвлөгөөнд тусгагдсан  машины зогсоол, бие засах газар байгуулах, зарим газар хашилт, хаалт хийх  ажлыг 2016 оны 6 дугаар сарын 7-ны өдрөөс 10 –ны өдрүүдэд Хяргас нуурын БЦГ-ын Хар тэрмэс орчимд  хийж гүйцэтгэлээ.

Дээрх ажлуудыг гүйцэтгэхийн тулд шаардлагатай материалуудын тооцоо гаргаж, ажиллах бүрэлдэхүүн, багаж, техник, тоног төхөөрөмжийг  бэлтгэлээ.

Хяргас нуурын БЦГ-ын Хар тэрмэс орчмын байгаль хамгаалах арга хэмжээнд дараах материал, тоног төхөөрөмжийг ашиглалаа.

1. 70 мм-ийн труба -350 м
2. Электрод-15 боодол
3. Металл зүсэгчийн ир -15 ш
4. Будаг -40 кг
5. Цемент-500 кг
6. Нимгэн төмөр-20 м
7. Цэвэр банз, прус, палка, зах банз
8. Хадаас, шруп, хаалганы бариул, түгжээ
9. Зогсоолын стандарт тэмдэг-1ш
10. Хилийн тэмдэгжүүлэлтийн багана-6 ш
11.  HIRONO маркийн машин -1ш (материал тээвэрлэх)
12. УАЗ пурган машин -1ш
13. Гагнуурын аппарат-1ш          17. Чиг татах утас-1 боодол
14. Цахилгааны утас -200м          18. Металл зүсэгч

15.Хүрз-4 ш                                  19. Ломбо-4 ш                    

16. Будагны багс-4 ш                     20. Ажлын бээлий-5 хос    

Урьдчилан тэгшилж зассан  70х80 метр газар машины зогсоолын хашлаганд  70 мм-ийн диаметртэй трубанд 80 см урт хөл гагнаж, газарт 40 см суулгаж, цементэн зуурмагаар бэхжүүллээ. Машины зогсоолын  хөндлөвч трубаг 40 см улаан, цагаан будгаар алаглуулан будаж, зогсоолын нийтлэг загварыг мөрдлөө. Зогсоолын нүүрний  хэсэгт фосфортой зогсоолын стандарт тэмдэг байрлууллаа.

Хоёр. Хяргас нуурын БЦГ-ын Могойн шугам руу аялагчид дур мэдэн машинаар зам гаргаж, загас барих, нуурын эрэг орчимд хог хаях асуудал сүүлийн жилүүдэд  гарах болсон. ТХГН-ийн хууль, журам зөрчсөн энэ асуудлыг зогсоохын тулд замыг хаах шаардлагатай байсан. Хар тэрмэс орчимд барилгын ажил гүйцэтгэж байгаа “Арвижих-Увс” ХХК-ны KWOSH маркийн түрдэг трактораар 120 метр газарт шороон далан босгож хаалт хийлээ.

Гурав. Хяргас нуурын БЦГ-ын Могойн голын байгаль хамгаалагчийн байрны дэргэд 3 метр газрыг гараар ухаж, дотор талыг нь зах банзаар доторлож, 2 тасалгаатай бие засах газрыг аялагчдад зориулан барьж байгууллаа.

Дөрөв. Хатуу хучилттай замаас Цагаан явар орчмоор бууж нуурын эрэг рүү очдог автомашины замд хөлтэй хөндлөвч төмөр, машины дугуй, чулуу, цементэн суурь байрлуулж хаалт хийв. Хаалтны эсрэг талын замын хажууд Хяргас нуурын БЦГ-ын хилийн заагийг  олон нийтэд мэдээлсэн мэдээллийн самбар байрлууллаа. Мэдээллийн самбарын мэдээллийн агуулгыг өөрчилж, бичиглэлийг стикерээр хэвлүүлж шинэчиллээ.

Тав. Хяргас нуурын БЦГ-ын хилийн заагийг олон нийтэд ойлгомжтой болгох зорилтыг хангахааар урьдчилан 6 ширхэг багана бэлтгэсэн. Хяргас нуурын БЦГ-ын ар хэсэгт хилийн тэмдэгжүүлэлтийн 3 цементэн багана байрлуулаа. Багана байрлуулах цэгийг 1:100 000 масштабтай газрын зураг, байршил тодорхойлогч (GPS)  багаж ашиглалаа. Баганыг газарт 50 см суулгаж цементэн зуурмагаар бэхжүүллээ.

Хяргас нуурын БЦГ-ын урд хэсэгт байрлуулах 3 модон баганыг байрлуулахад бэлэн болголоо.

Дүгнэлт:

1. Хяргас нуурын эрэг дээр очдог машины замыг хязгаарлаж 0.56 га талбай бүхий машины зогсоол байгууллаа.
2. Хатуу хучилттай замаас бууж нуурын эрэг рүү очдог авто замын 3 гарцыг хааж, 120 метр газар шороон далан босгож хаалт хийв.
3. Байгаль хамгаалагчийн байрны дэргэд нийтэд зориулсан бие засах газар байгуулж, Хар тэрмэс, Шорвог нуур жуулчны баазуудад тэр загвараар өөрийн хариуцсан газартаа бие засах газар байгуулахыг даалгав.
4. Хяргас нуурын БЦГ-ын хилийн заагт тэмдэгжүүлэлтийн 3 ширхэг багана байрлуулж, ТХГН-ийн хилийн заагийн тодорхой хэсгийг олон нийтэд ойлгомжтой болголоо.
5. Хяргас нуурын БЦГ-ын нуур, түүний эрэг орчмын байгалийн үнэ цэнийг алдагдахаас урьдчилан сэргийлэх энэхүү ажилд “Хар тэрмэс” жуулчны бааз, Арвижих-Увс ХХК, Шорвог нуур ХХК, нутгийн иргэд оролцож, хамтрагч талууд үйл ажиллагаагаа нэгтгэлээ.

Тайлан бичсэн:                            М.Ууганбаатар